Yon Verite Ki ka Chanje Laviw: "Rele tankou yon chat oswa tankou yon lyon?"

 

Yon verite ki ka chanje lavi w…

Nan chak moun, gen de vwa k ap viv ansanm:
yon lyon ak yon chat.

Lyon an se fòs nou montre lè nou fatige batay, lè lavi peze nou, lè nou santi se sèl rèl nou ki ka fè mond lan tande doulè nou.
Men chak rèl lyon pote ak li yon distans… yon frèt… yon “ret ale” pou moun ki bò kote nou.

Men gen yon lòt vwa.
Yon vwa ki pi dous, pi sensè, pi imen: vwa chat la.
Lè li fè yon ti “miyaw”, se pa fòs li ki pale…
se kè li.

Son sa a pa chase moun -Li rale moun.
Li pa fè w pè- Li konsole w.
Li louvri wout ou pa t menm panse ki ekziste.

E se la a Ayisyen jwenn fòs yo.

Paske malgre doulè nou, malgre difikilte, malgre batay chak jou…
Nou toujou kenbe yon dousè andedan nou.
Nou toujou gen yon mòd pale, yon mòd ri, yon mòd mande bagay ki fè moun vle ede nou.
Se sa ki fè nou kanpe lè lòt ta anba.
Se sa ki fè nou chèche solisyon lè tout bagay nwa.
Se sa ki fè nou rive kote lòt pa rive.

Kijan ou menm ou ka sèvi ak “son chat” la pou louvri pòt nan laviw?

• Lè ou pale ak moun ak kè, yo tande plis pase lè ou leve vwaw.

• Lè ou mande ak respè, menm moun ki difisil vin vle ede w.

• Lè ou chwazi kalm olye kòlè, destinasyon ou louvri pi vit.

• Lè ou trete moun ak chalè, yo pale de ou, yo pote non ou, yo louvri pòt pou ou ou pa t menm mande.

• Lè ou "myaw" nan fason ou pale, nan fason ou larime, nan fason ou souri…
  mond lan vin pi janti avè w.

Pa konprann mal: ou toujou gen lyon an andedan w.
Lè batay mande l, l'ap soti.
Men ou pa bezwen viv ak rèl tout tan pou w pwouve fòs ou.

Pafwa, se ti son dous la,
ti pawòl kalm lan,
ti jès janti a
ki pote pi gwo viktwa yo.

Kidonk, chwazi son chat la.

Chwazi pale ak kè.
Chwazi touche moun olye pèsekite yo.
Chwazi rale opòtinite avèk dousè olyew fòse yo vini.
Chwazi vin limyè, menm nan fènwa.

Paske nan yon mond plen lyon…
yon sèl chat ki gen kè kapab chanje tout bagay.

Mèsi pou tan nou pran poun li e kòmante sou atik la! Panse ak ki lòt moun ou ka tatajel e wap kontan ede yon lòt!

#MyawPouLavi 

#FòsDousè

#AyitiSeFòs
#InspireAyiti
#AyitiPozitif
#MindsetAyisyen
#LoveAndSoftness
#PaleAkKè
#VwaChatLa
#LaviAkSajès
#MotivasyonAyiti